हे भगवान हमर गौं में कब आली सड़क

हे भगवान हमर गौं में कब आली सड़क

उकाव् हुलार हिटन बिल्कुल हैंगो नरक

द्य्पत लें गणा हैलो ने हुना फिर ले फरक

पूज ले दि हाले , क्वै लें ने करक

हे भगवान हमर गौं में कब आली सड़क

स्याव, बागै खाई पूज बतौना तबै  हेलू  लै न बरक

दूलाची लगै बेर डंगरी मैं हु झे भड़क

हे भगवान हमर गौं में कब आली सड़क

उकाव् हुलार हिटन बिल्कुल हैंगो नरक

ठाटल खानई  नेता लगै बेर डूबुक में तड़क

दाणी लै छटवाई बाँकी है गी चडक  !!!!

एक बारीक मणि लागी पर्च

आगो कौनाछी तमै खर्च

रणु बै पूजौंन कौनाछि रणख

भगवान काहि गै तौ सड़क

चौखुटी दिउन कैबेर मणि भछि फरक

सर्वे करा गयी रंकार फिर उ लै नै फरक

हे भगवान हमर गौं में कब आली सड़क

उकाव् हुलार हिटन बिल्कुल हैंगो नरक

कैकि जाली मणि जाग जमीन, कैके जाल एक वौट खड़क

अफसर देखि नेता भड़क, बुड कुनि अब हमौके कि पडु फरक

बामण ज्यु कै कुनैव दिखा, वैध ज्यु कै नाणि

कुनाछी दस पनर साल न आली तुमर या गाडी

राहु काल चली रौ, शनि ईज है रै अघिल बै ठाडी

मैंन कौ उपाय बताओ, अब छोड़ी दियो मेरी नाणि

उनौन कौ पैली बनाओ नेताऊ बाव, फिरि बनाओ दाड़ी

हाथो में चुडी पैराऔ  और पैराऔ पेटीकोट साडी

तब देखिया , अघिल बे ठयल पछिल बै गाडी

ततुक में एक सियाणी ब्खारी

जैल ह्मारियाँ  न औंनदी गाडी

ऊइक बाट में जमी जाओ कुरिक झाड़ी

भाजी जो वीक घरेक नारि

यौंछि एक पैंदल हिटनी दूख्यारी

हे भगवान हमर गौं में कब आली सड़क

: - अपने गाँव रणाऊ जाते हुए, सड़क ना होने के कारण होने वाली कठनाई और परेशानियों को देख कर मैं यही पूछता हूँ कि "  हे भगवान हमर गौं में कब आली सड़क"